Engidalsskóli

Foreldrakönnun Engidalsskóla janúar 2010

Miðvikudagur, 03 Mars 2010 14:30

Samkvæmt starfsáætlun var lögð fyrir foreldra viðhorfskönnun í janúar. Tilgangur könnunarinnar var að skoða viðhorf og ánægju foreldra með skólastarfið. Tekið var tillit til upplýsingagjafar, samstarfs og líðan nemenda í skólanum.
Könnunin var send út á rafrænu formi á netfang móður og foreldrar beðnir um að fylla út svarblað fyrir hvert barn. Svörun var 140/253 eða fyrir 55,3 % nemenda í skólanum.
Niðurstöður hafa verið kynntar starfsmönnum skólans og verða notaðar í matsskýrslu fyrir skólaárið 2009-2010 og umbótaverkefni í áætlanir fyrir næsta skólaár. Vil ég þakka þeim sem svöruðu.
Kær kveðja, skólastjóri.

Skólaheimsókn

Þriðjudaginn 2. mars komu tilvonandi 1. bekkingar í heimsókn í Engidalsskóla frá Norðurbergi. Nemendur tóku þátt í daglegu starfi hjá 1. bekk og fóru líka í frímínútur. Við þökkum kærlega fyrir ánægjulegan dag og hlökkum til að sjá þá næsta haust.
Lesa meira...

Upplestrarkeppnin 2010

Forkeppni Stóru upplestrarkeppninnar var haldin hátíðlega í sal skólans í dag. Í keppninni voru tíu nemendur úr 7. bekk sem kepptu um að komast í úrslitakeppnina sem haldin verður í Hafnarborg þann 23. mars næstkomandi.
Lesa meira...

Starfsdagur

Kæru foreldrar/forráðamenn
Eins og fram kemur á skóladagatali Engidalsskóla er skipulagsdagur föstudaginn 26. febrúar. Það verður því engin kennsla þann dag.
Álfahraun er opið fyrir þau börn sem þar eru skráð.
Með bestu kveðju.
Stjórnendur Engidalsskóla

Öskudagsfjör í Engjó

öskudagsfjör Það var mikil stemmning hér í Engidalsskóla á öskudaginn. Nemendur og kennarar klæddu sig í búning og sprelluðu saman. Myndir frá deginum má sjá í myndasafni hér að ofan.