Á fimmtán ára afmæli skólans árið 1993 var efnt til samkeppni meðal nemenda um texta við skólasöng.  Það var Ásdís Björg Ágústsdóttir ásamt afa sínum Sigfúsi Kristjánssyni sem urðu hlutskörpust í samkeppnini. Magnús Kjartansson tónlistarmaður var fengin til að semja laglínuna við textann.
Það er gaman frá því að segja að skólasöngur Engidalsskóla hefur verið endurvakinn nemendum og kennurum til mikillar gleði.

Friðsælt er ætíð í Engidalsskóla
utan við götunnar  drynjandi róm.
Litfríður mosinn um lautir og hóla,
lyngið og grasið og dáfögur blóm.
Inni við lærum að lesa og skrifa,
ljúka upp dyrum að þekkingarsjóð.
Allt er svo framandi undur að lifa,
við ævintýri, sögur og ljóð.