Skólastarfi Engidalsskóla í núverandi mynd er lokið nú á vordögum. Bæjarstjórn Hafnarfjarðar samþykkti þann 21. apríl 2010  að Engidalsskóli og Víðistaðaskóli verði sameinaðir í eina skólastofnun undir stjórn eins skólastjóra frá 1. ágúst 2010. Sigurður Björgvinson mun taka við stöðu skólastjóra.
Ég þakka fyrir fjögur ár sem skólastjóri Engidalsskóla, ég hef fengið tækifæri til að starfa með  faglega sterku starfsliði sem hefur markað forystu í skólastarfi Hafnarfjarðar í þrjátíu ár.
Hér á heimasíðunni birtist matskýrsla Engidalsskóla skólaársins 2009-2010 og fylgiskjöl verða aðgengileg í skólanum sem mun áfram hýsa yngsta stig sameinaðs grunnskóla Norðurbæjar.
Fyrir hönd starfsfólks skólans vil ég þakka nemendum, foreldrum og öðrum velunnurum fyrir samveruna og samstarfið í vetur.
Auður Hrólfsdóttir skólastjóri