Skólafærnidagar voru haldnir dagana 26.-28.október. Markmið þeirra
er að rifja upp skólareglur SMT í öllum árgöngum og að hvetja
nemendur til að rækta vináttu sín á milli. Allir nemendur tóku virkan
þátt í ýmiss konar verkefnum og föndri og vinabekkir skiptust á heimsóknum.

Miðvikudaginn 28. október var síðan haldin skólafærnihátíð. Elsti árgangurinn, 7. bekkur átti veg og vanda af dagskrá í sal skólans og flutti stutta leikþætti, sem tengdust skólareglunum,fyrir alla nemendur skólans. Einnig unnu þau tölvukynningar sem sýndar voru í tölvustofu. Hátíðinni lauk með því að sjöundu bekkingar buðu upp á kökur og djús við mikla ánægju yngri nemenda.